Ditë e veçantë dhe emocionuese për Adelina Tahirin, kaloi momentin që përjetohet veç njëherë në jetë – përlotet

Këngëtarja e njohur shqiptare, Adelina Tahiri, e cila prej vitesh është pjesë e pandashme e skenës muzikore dhe gjithashtu e njohur për stilin e saj elegant dhe jetën luksoze, ka ndarë së fundmi me ndjekësit e saj në rrjetet sociale një moment mjaft të veçantë dhe emocional nga jeta personale.

Bëhet fjalë për një ditë të rëndësishme në jetën e djalit të saj, Jonit, i cili ka nisur rrugëtimin e tij të parë në botën e dijes, duke filluar shkollën për herë të parë më 1 shtator.Ky moment është përjetuar me shumë emocion jo vetëm nga vetë vogëlushi, por mbi të gjitha nga nëna e tij, e cila dukshëm është ndjerë e mbushur me krenari, mall dhe gëzim të papërshkrueshëm.

Në profilin e saj në Instagram, ku ajo është shumë aktive dhe ndan shpesh momente nga jeta e saj profesionale e personale, Adelina ka publikuar një fotografi ku shihet djali i saj i veshur me uniformë dhe me çantën e shkollës në krah, gati për të hedhur hapin e parë në një kapitull të ri të jetës së tij.Në përshkrimin e fotos, këngëtarja ka shkruar me shumë ndjeshmëri: “Dita e parë e shkollës. U rrit shpejt zemra e mamit”, një fjali e thjeshtë, por e ngarkuar emocionalisht që ka prekur zemrat e mijëra ndjekësve të saj.