Remzie Osmani, një nga ikona më të njohura të muzikës popullore, ka bërë një rikthim të fuqishëm në skenën muzikore me një projekt të ri, që pritet të mbetet gjatë në memorien e publikut.
Kënga e saj e re, e titulluar “Zojë e randë”, sapo është lansuar dhe ka marrë vëmendje të menjëhershme.Ky projekt është një dedikim i veçantë dhe i fuqishëm për të gjitha gratë, duke i dhënë një mesazh të fortë dhe të qartë për fuqinë dhe rëndësinë e tyre.
Kënga “Zojë e randë” është një vepër që reflekton shumë dimensione të artistës, ku krahas performancës së saj të shkëlqyer, Remzie Osmani ka kontribuar edhe në procesin e kompozimit të këngës.Teksti i këngës është rezultat i një bashkëpunimi mes Remzie Osmanit dhe Agron Jasharit, të cilët kanë krijuar një poezi që përshkruan forcën, sakrificat dhe guximin e gruas.
Fjalët e përzgjedhura janë të thella dhe të mbushura me ndjenja, duke sjellë një mesazh që e nderon dhe e vlerëson rolin e gruas në shoqëri.
Leave a Reply