Familja e Elijonës jep deklaratën e papritur për të bijën, ajo kishte ikur nga shtëpia kur ishte fëmijë

.

Familja e Elijonës, një prej banoreve të njohura të edicionit të katërt të “Big Brother VIP Kosova”, ka dalë me një reagim zyrtar për të sqaruar lajmet dhe spekulimet e fundit që kanë qarkulluar në lidhje me periudhën e saj të fëmijërisë, kur ajo supozohej të kishte ikur nga familja.Ky reagim ka ardhur pas disa informacionave që kishin përhapur lajme të pasakta, duke krijuar konfuzion dhe duke sugjeruar se Elijona kishte lënë nënën dhe babain e saj, duke u larguar nga shtëpia e saj pa ndonjë arsyetim të qartë.
Përmes një postimi në llogarinë e saj të Instagramit, familja e Elijonës ka sqaruar se kjo periudhë e jetës së saj ka qenë shumë e ndërlikuar dhe që ka pasur një arsyetim të caktuar që ka çuar në këtë situatë. Sipas deklaratës, Elijona ka qëndruar për një periudhë prej pesë vitesh (nga mosha 7 deri në 13 vjeç) tek një familje gjermane, një vendim që ishte marrë për të siguruar një zgjidhje të përkohshme për të mbrojtur të mirën e saj derisa babai biologjik të mund të fitonte kujdestarinë legjitime mbi të.