Këngëtarja e njohur shqiptare Engjëllusha Salihu, e cila prej vitesh ka fituar zemrat e publikut me zërin dhe paraqitjen e saj të veçantë në skenën muzikore, ka kurorëzuar dashurinë e saj me partnerin Mërgimin në një ceremoni të bukur dhe tejet të veçantë, të mbajtur në Zvicër.
Larg vëmendjes së mediave dhe në një atmosferë intime, çifti zgjodhi të bashkojë jetët e tyre përpara ligjit në një ceremoni civile, duke nisur kështu një kapitull të ri në jetën e tyre, i mbushur me dashuri, përkushtim dhe shpresë për të ardhmen.Ceremonia, e organizuar me shumë kujdes dhe elegancë, përfaqësonte më së miri stilin e tyre personal dhe respektin që ata kanë për këtë moment të rëndësishëm.
Engjëllusha, e njohur për hijeshinë dhe thjeshtësinë që e karakterizon, u shfaq rrezëlluese në një veshje elegante, ndërsa Mërgimi dukej tejet i emocionuar pranë nuses së tij.Të dy u panë të buzëqeshur dhe të lumtur, teksa ndanë zotimet e dashurisë përpara një rrethi të ngushtë familjar dhe miqsh të afërt.
Një nga momentet më prekëse të ceremonisë ishte padyshim prania e nënës së Engjëllushës, këngëtares së mirënjohur Shyhrete Behluli.
Leave a Reply