Këngëtarja e njohur dhe e dashur për publikun shqiptar, Lule Mustafa, ka vijuar të jetë mjaft aktive edhe gjatë kësaj vere, duke dëshmuar edhe një herë përkushtimin e saj të pandalshëm ndaj muzikës dhe publikut që e ka ndjekur për vite me radhë.
Me një karrierë të gjatë e të suksesshme në muzikën popullore, Lulja ka arritur të ruajë një vend të veçantë në zemrën e artdashësve shqiptarë, duke mbetur një ndër emrat më të respektuar të skenës sonë muzikore.Ajo ka ditur të ndërthurë traditën me ndjeshmërinë artistike, duke krijuar një stil të vetin që i ka dhënë asaj identitet të fortë dhe qëndrim të palëkundur në kulturën shqiptare.
Jetën dhe karrierën e saj, këngëtarja i ndan mes dy vendeve që për të kanë një rëndësi të veçantë: Prishtinës dhe Mushtishtit.Kryeqyteti i Kosovës është vendi ku Lulja zhvillon pjesën më të madhe të aktiviteteve të saj profesionale, përfshirë regjistrimet, koncertet dhe angazhimet e tjera muzikore.
Ndërsa Mushtishti, fshati i saj i lindjes, mbetet vendi i shpirtit, kujtimeve dhe rrënjëve të saj më të thella. Ajo e përmend shpesh me dashuri e krenari vendlindjen, duke treguar se aty gjendet burimi i frymëzimit të saj artistik dhe i forcës së saj shpirtërore.
Leave a Reply